Abstract

• ဤစာတမ်းသည် မြိတ်ဒေသိယစကားမှ နေ့စဉ်သုံးစကားများကို လေ့လာ ဖော်ထုတ်ထားသော စာတမ်း ဖြစ်ပါသည်။ ထိုသို့လေ့လာရာ၌ မြိတ်ဒေသိယ စကားမှ နေ့စဉ်သုံးစကားများကို ဖော်ထုတ်ရန် ရည်ရွယ်ပါသည်။ ဤစာတမ်းကို အခန်း နှစ်ခန်းခွဲ၍ လေ့လာတင်ပြထားပါသည်။ အခန်း (၁) မြိတ်ဒေသယိ စကားတွင် ဒေသိယဖွင့်ဆိုချက်၊ မြိတ်ဘာသာစကားနှင့် နောက်ခံသမိုင်းတို့ကို လေ့လာတင်ပြပြီး အခန်း (၂)တွင် မြိတ်ဒေသိယစကားမှ နေ့စဉ်သုံးစကားများ လေ့လာချက်တွင် ဆွေမျိုးစပ်ဆိုင်ရာဝေါဟာရများ၊ အစားအသောက်ဆိုင်ရာ ဝေါဟာရများ၊ အသီးအနှံဆိုင်ရာ ဝေါဟာရများ၊ အသုံးအဆောင်ဆိုင်ရာ ဝေါဟာရများနှင့် နေ့စဉ်သုံး အပြောစကားများကို လေ့လာတင်ပြထားပါသည်။ ဤစာတမ်းပါ အချက်အလက်များသည် မြိတ်ဘာသာစကား ဖော်ထုတ်လေ့လာမှုကို အထောက်အကူပြုနိုင်မည် ဖြစ်ပါသည်။