Abstract

• ဤစာတမ်းတွင် ဇာတကကို အခြေခံ၍ ပျို့စာဆို၏ ဖန်တီးမှုအနုပညာကြောင့် ထိုပျို့ကို နှစ်သက်ရာမှတစ်ဆင့် ဘဝအသိအမြင်များ၊ အတွေးအခေါ် အယူအဆများ၊ အဆုံးမသြဝါဒများကို မှတ်သားနာယူလာတတ်ပုံ၊ ရသမှ တစ်ဆင့် ဘဝအသိသို့ ရောက်စေရန် ပျို့စာဆို၏ ရသမြောက်အဖွဲ့များ ဖန်တီးရေးဖွဲ့ပုံတို့ကို လေ့လာတင်ပြရန် ရည်ရွယ်ပါသည်။ ထိုသို့ လေ့လာ ရာတွင် အလေ့လာခံအဖြစ် ရွှေကုံးရွာ ဆရာသုတ၏ ဆဒ္ဒန်ပျို့ကို ရသစာပေ ရှုထောင့်မှ လေ့လာထားပါသည်။ ဤစာတမ်းပါ တင်ပြချက်များသည် ရသစာပေကို လေ့လာသူတို့အတွက် မည်သည့်အဖွဲ့သည် ရသဖြစ်ပေါ်ရန် အကြောင်းရင်းဖြစ်၍ မည်သည့်အဖွဲ့သည် ရသဖြစ်ပေါ်ရန် အထောက်အပံ့ ဖြစ်ကြောင်း လွယ်ကူစွာ ခွဲခြားစိစစ်နိုင်ရန် အထောက်အကူပြုမည် ဖြစ်ပါ သည်။ ရသ၏ဖြစ်စဉ်သဘောကို နားလည်နိုင်မည် ဖြစ်ပါသည်။