Abstract

• ဤစာတမ်းသည် မန်လည်ဆရာတော်၏ ရွှေဂူကြီးဘုရားဘွဲ့ သံချိုများကို စာပေရှုထောင့်မှ တင်ပြထားသော စာတမ်းဖြစ်သည်။ ထိုသို့လေ့လာရာတွင် မန်လည်ဆရာတော်ကြီး ရေးသားခဲ့သော ကဗျာများအနက် ရွှေဂူကြီးဘုရားဘွဲ့ သံချိုများကို အလေ့လာခံဟု သတ်မှတ်ပါသည်။ လေ့လာရာတွင် (၁) မန်လည် ဆရာတော်၏ထေရုပတ္တိအကျဉ်း၊ (၂) သံချိုကဗျာ၏သဘောသဘာဝ၊ (၃) ရွှေဂူကြီး ဘုရားဘွဲ့သံချိုများလေ့လာချက်ဟူ၍ အပိုင်း(၃)ပိုင်းခွဲကာ သုတေသနပြုထား ပါသည်။ ]သံချို} ကဗျာများ၏ စာပေတန်ဖိုးကို ဖော်ထုတ်လိုခြင်း ဖြစ်ပါသည်။ ဤသို့လေ့လာခြင်းဖြင့် ရှေးစာပေတွင် တွေ့ရသော သံချိုအဖွဲ့ပုံစံများကို သိရှိ ရုံမက၊ မြန်မာစာပေ ဖွံ့ဖြိုးတိုးတက်မှုနှင့် ဘာသာစကား အကျိုးဖြစ်ထွန်းမှု တို့ကို အထောက်အကူပြုနိုင်ရန် ရည်ရွယ်ပါသည်။