Abstract

• ဤစာတမ်းသည် မန်လည်ဆရာတော်၏ မဟာသုတကာရီ မဃဒေဝ လင်္ကာသစ်မှ ဥပမာအလင်္ကာများကို ရွေးချယ် လေ့လာတင်ပြထားပါသည်။ ထိုသို့ တင်ပြရာတွင် မန်လည်ဆရာတော်၏ မဟာသုတကာရီ မဃဒေဝ လင်္ကာသစ်ကို အလေ့လာခံအဖြစ် သတ်မှတ်လေ့လာပါသည်။ ဤစာတမ်းတွင် မဃဒေဝလင်္ကာသစ်မှ ဥပမာအလင်္ကာများကို ဗုဒ္ဓဝင်၊ ဇာတ်နိပါတ်၊ စာပေ ကျမ်းဂန်ကို အခြေခံသည့် ဥပမာအလင်္ကာများ၊ ဒိဋ္ဌဓမ္မလောကကို အခြေခံသည့် ဥပမာအလင်္ကာများဟူ၍ ခွဲခြမ်းလေ့လာထားပါသည်။ ဤသို့လေ့လာတင်ပြခြင်းဖြင့် မန်လည်ဆရာတော်ကြီး၏ စာပေကျမ်းဂန်နှံ့စပ်မှု၊ အလင်္ကာဖန်တီးမှု စွမ်းရည် ထက်မြက်မှုတို့ကို တွေ့ရှိနိုင်မည် ဖြစ်ပါသည်။ ဤသို့လေ့လာရာတွင် မြန်မာစာပေ ဖွံ့ဖြိုးတိုးတက်မှု၊ မြန်မာစာပေ အမွေအနှစ်ထိန်းသိမ်းမှုတစ်ရပ်အဖြစ် အကျိုးပြု နိုင်သည်ဟု ယုံကြည်ပါသည်။