Abstract

• ဤစာတမ်းသည် မြန်မာ့လူမှုနယ်ပယ်တွင်ရှိသော အလေးထားညွှန်းဆိုမှု ပုံစံ များကို လေ့လာတင်ပြထားသော စာတမ်းဖြစ်ပါသည်။ ပြောသူ၊ နာသူ၊ အခြားသူနှင့် ရည်ညွှန်းခံရသည့် အရာတို့၏ လူမှုဆက်နွှယ်မှုသဘောတရား အပေါ်မူတည်၍ အလေးထားညွှန်းဆိုမှု ပုံစံများ၏ သက်ရောက်အနက်သည် အခြေအနေ အဆက်အစပ်၊ မျက်နှာဟန်အမူအရာ၊ လေသံ အဆက်အစပ်တို့ အပေါ်တွင် ကောင်းစွာမှီတည်နေပါသည်။ မြန်မာတို့၏ တစ်ဖက်သားအပေါ် တလေးတစား ဆက်ဆံလိုသည့်စိတ်၊ ဂါရဝတရား၊ နိဝါတတရားတို့ကို ရှေ့တန်းတင်လိုသည့်စိတ်၊ ယဉ်ကျေးချေငံစွာ ဆက်ဆံလိုသည့် စိတ်သဘော၊ ဖော်ဖော်ရွေရွေ ရင်းရင်းနှီးနှီး နေထိုင်ဆက်ဆံလိုသည့် စိတ်သဘော၊ စိတ်ဆန္ဒ ခံစားမှုတို့အလျောက် အလေးထားညွှန်းဆိုမှုပုံစံများကို ရွေးချယ် အသုံးပြုလေ့ ရှိပါသည်။ လူမှုဆက်ဆံရေးနယ်ပယ် အဆင်ပြေ ချောမွေ့စေရန်အတွက် အလေးထားညွှန်းဆိုမှုပုံစံများ ရွေးချယ်အသုံးပြုမှုသည် လွန်စွာ အရေးပါကြောင်း ဖော်ထုတ်တင်ပြထားပါသည်။