Abstract

• ဤစာတမ်းသည် မော်ဒန်ဝတ္ထုတိုများ၏ ယေဘုယျလက္ခဏာများကို လေ့လာဖော်ထုတ်ထားသော စာတမ်းဖြစ်ပါသည်။ အစဉ်အလာဝတ္ထုတိုများနှင့် မော်ဒန်ဝတ္ထုတိုများ၏ကြားတွင်ရှိသော အကွာအဝေး ကို စာဖတ်သူတုံ့ပြန်မှု ၊ စာဖတ်သူသီအိုရီ တို့ဖြင့် ချဉ်းကပ်လေ့လာတင်ပြထားခြင်း ဖြစ်ပါသည်။ မော်ဒန်ဝတ္ထုတိုများ၏ ယေဘုယျလက္ခဏာများကို ဖော်ထုတ်နိုင်ရန် သစ္စာနီ၏ဝတ္ထုတိုများကို သုတေသနအလေ့လာခံအဖြစ် ထားရှိပါသည်။ ဖြစ်တည်မှုဝါဒ၊ သိမှုဗေဒ၊ ကိုယ်ကျင့်တရားနှင့် ကျင့်ဝတ်များကို လေ့လာဖော်ထုတ်ကြည့်သော မိတ်ဆက်စာတမ်းဖြစ်ပါသည်။ ထို့ကြောင့် ဤစာတမ်း သည် မော်ဒန်ဝတ္ထုတိုကို စိတ်ဝင်စားသူများ၊ သုတေသနပြုလိုသူများအတွက် အကျိုးပြုစေမည့် စာတမ်းတစ်စောင်ဟု ယုံကြည်ပါသည်။