Abstract

• ဤစာတမ်းသည် မြန်မာစာပေတွင် အခြေခိုင်မာနေပြီဖြစ်သော နိမိတ်ပုံကို ကဗျာဆရာက မည်သို့ ဖန်တီးရေးဖွဲ့ကြောင်းကို အချက်သုံးချက်နှင့် လေ့လာဖော်ထုတ် တင်ပြထားခြင်းဖြစ်သည်။ ထို့သို့ လေ့လာတင်ပြရာတွင် နိမိတ်ပုံ၏သဘောကို မြန်မာစာပေပညာရှင်တို့၏ အဆိုအမိန့်များနှင့် ကိုးကား ၍တင်ပြပါမည်။ နိမိတ်ပုံဖန်တီးမှုကိုမြန်မာ ခေတ်စမ်းစာဆိုကြီးများဖြစ်သော ဆရာဇော်ဂျီနှင့် ဆရာ မင်းသုဝဏ်တို့၏ ကဗျာတစ်ချို့နှင့် ချိန်ထိုး၍တင်ပြပါမည်။ ထိုသို့တင်ပြခြင်းဖြင့်၊ နိမိတ်ပုံ စတင် ပေါ်ပေါက်လာပုံ၊ မြန်မာနိုင်ငံတွင် နိမိတ်ပုံအသုံးတွင်ကျယ်လာပုံ၊ နိမိတ်ပုံကို ပိုမိုသိရှိနားလည်လာပြီး ကဗျာဆရာတင်ပြလိုသော စေတနာရည်ရွယ်ချက်ကို ထိထိမိမိ တင်ပြနိုင်မည်ဖြစ်ကြောင်း လေ့လာတင်ပြ ထားပါသည်။