Abstract

• ဤသုတေသနစာတမ်းသည် ဇော်ဂျီ၏ ဝတ္ထုတိုများမှ ဟန်ချက်ညီဝါကျများ၏ စွမ်းရည်ကို စာပေ ရှုထောင့်မှ ဆန်းစစ်လေ့လာသုံးသပ်သော စာတမ်းဖြစ်သည်။ ဇော်ဂျီ၏ ဝတ္ထုတိုများမှ ဟန်ချက်ညီ ဝါကျများ၏ စွမ်းရည်ကို ဖော်ထုတ်လိုသော ရည်ရွယ်ချက်ဖြင့် လေ့လာခဲ့ပါသည်။ လေ့လာရာ၌ ရာပြည့်စာအုပ်တိုက်က ၁၉၉၉ ခုနှစ်တွင် ပထမအကြိမ် ထုတ်ဝေသော ]ဇော်ဂျီဝတ္ထုတိုပေါင်းချုပ်}ကို အလေ့လာခံအဖြစ်ထားရှိပါသည်။ ဤစာတမ်းတွင် စာရေးသူဆရာဇော်ဂျီ၏ အတ္ထုပ္ပတ္တိအကျဉ်းနှင့် ဟန်ချက်ညီဝါကျများ၏ သဘောသဘာဝကို ရှေးဦးစွာ ဖော်ပြပါသည်။ ဆက်လက်၍ လေ့လာ ထုတ်ဖော်မည့် ဝတ္ထုတိုများ၏ ဇာတ်လမ်းအကျဉ်းနှင့် ဦးတည်ချက်တို့ကို ရှင်းလင်းတင်ပြပါသည်။ ထို့နောက် ဇော်ဂျီ၏ ဝတ္ထုတိုများမှ ဝါကျတွင်း ဟန်ချက်ညီမှု စွမ်းရည်နှင့် ဝါကျချင်း ဟန်ချက်ညီမှု စွမ်းရည်ဟု ပိုင်းခြားလေ့လာ သုံးသပ်တင်ပြထားပါသည်။