Abstract

• ဤစာတမ်းသည် မျက်မှောက်ခေတ်လူငယ်များအတွင်း၌ နေ့စဉ်ပြောဆိုနေကြသော ခေတ်ပြိုင် ဘာသာစကားကို ဝေါဟာရဗေဒအမြင်ဖြင့် လေ့လာတင်ပြထားသော စာတမ်းဖြစ်ပါသည်။ မျက်မှောက်ခေတ်လူငယ်တို့၏ နေထိုင်ကြီးပြင်းရာ ခေတ်ကာလအတွင်း တည်ရှိဖြစ်ပေါ်လာသည့် လူနေမှုဘဝ၊ စီးပွားရေး၊ ပညာရေး၊ နိုင်ငံရေးစသော နောက်ခံများအပေါ် အခြေခံ၍ဘာသာစကားကို အသစ်တီထွင် ပြောဆိုသုံးစွဲလေ့ရှိကြသည်ကို တွေ့ရှိရသည်။ ထိုသို့ပြောဆိုသုံးစွဲမှုကို လေ့လာရာ တွင် အသက် ၁၅ နှစ်မှ ၂၅ နှစ်အတွင်းရှိ လူငယ်များ ခေတ်နှင့်အညီ ဆန်းသစ်တီထွင် ပြောဆိုနေ သော မြန်မာဘာသာစကားရှိ ဝေါဟာရများကို လေ့လာတင်ပြ သွားမည်ဖြစ်ပါသည်။ ဤသို့တင်ပြ ရာတွင် လူငယ်အချင်းချင်းပြောဆို နေသောလူငယ်သဘာဝသုံး စကားများ၊ အတို ကောက်သုံးစကား များ၊ စကားလိမ်များ၊ ဗန်းစကားများ၊ မွေးစားစကား သုံးစွဲမှုများ၊ မသုံးသင့်သည့် စကားသုံးများ စသည်ဖြင့် ခွဲခြားလေ့လာတင်ပြထားပါသည်။ ဤသို့ခေတ်ပြိုင်ဘာသာစကား သုံးစွဲမှုကို လေ့လာ ခြင်းဖြင့် မြန်မာဘာသာစကား၏ ဝေါဟာရလေ့လာမှုကို တစ်စိတ်တစ်ပိုင်း အထောက်အကူ ပြုနိုင်မည်ဖြစ်ပါသည်။