Abstract

• ဤစာတမ်းသည် ဆရာဆူးငှက်၏ဝတ္ထုတိုရေးဟန်ကို လေ့လာတင်ပြထားသော စာတမ်းဖြစ်ပါသည်။ မြန်မာပြည်အလယ်ပိုင်း အညာဒေသကိုယ်စားပြု ဆရာဆူးငှက်၏ဝတ္ထုတိုများမှ အညာဒေသနှင့် အညာသူအညာသားတို့၏ဓလေ့စရိုက်ကို မြန်မာယဉ်ကျေးမှု၊ အနုပညာများကို ဖော်ထုတ်တင်ပြ ထားသော ဝတ္ထုတိုရေးဟန်ကို ဖော်ထုတ်တင်ပြလိုသော ရည်ရွယ်ချက်ဖြစ်ပါသည်။ ဤ စာတမ်းတွင် ဆရာဆူးငှက်၏ ငှက်၏ကောင်းကင်နှင့်အခြား ဝတ္ထုတိုစုစာအုပ်ကိုအလေ့လာခံအဖြစ် အသုံးပြု ထားပါသည်။ ဝတ္ထုတိုရေးဟန် လေ့လာမှုဆိုင်ရာ နည်းစနစ်များဖြင့်သုတေသနပြု ထားပါသည်။ ဤစာတမ်း၌ အလေ့လာခံစာအုပ်တွင်တွေ့ရသော စကားသုံးနှုန်းဟန်၊ သရော်ဟန်၊ ဝါကျဖွဲ့ဟန်၊ အဆက်အစပ်ဟန်တို့ကို လေ့လာတင်ပြထားပါသည်။ မြန်မာစာပေနယ်ပယ်ရှိ ဝတ္ထတိုရေးဟန် လေ့လာလိုသူများအတွက် အကျိုးကျေးဇူးရရှိစေနိုင်ပါသည်။