Abstract

• ဤစာတမ်းသည် ထားဝယ်သီချင်းများကို ရိုးရာယဉ်ကျေးမှုတစ်ရပ်အဖြစ် ထိန်းသိမ်းနိုင်ရန်နှင့် တိုင်းရင်းသားစည်းလုံးညီညွတ်ရေး အတွက်လည်းကောင်း၊ ဘာသာစာပေ ယဉ်ကျေးမှုအမွေအနှစ်များ ထိန်းသိမ်းစောင့်ရှောက်မှု အတွက်လည်းကောင်း အထောက်အကူပြုနိုင်ရန် ရည်ရွယ်ပါသည်။ သီချင်း များကို လေ့လာရာတွင် သီချင်းတစ်ပုဒ်ချင်းစီ၏ အကြောင်းအရာအမျိုးမျိုး၊ စီစဉ်တင်ပြပုံ အမျိုးမျိုး မည်မျှပင် ကွဲပြားစေကာမူ မကွဲမပြားတစ်သားတည်း တူညီသည့်အချက်မှာ ထားဝယ်ရိုးရာ ယဉ်ကျေးမှုကို ဖော်ကျူးထားသည် ဟူသောအချက်ကို အခြေခံပြီး ယနေ့ထားဝယ် ရိုးရာသီချင်းများ အဖြစ် နိုင်ငံတော်အဆင့် သီဆိုကပြဖျော်ဖြေနေသည့် သီချင်းများကို အလေ့လာခံအဖြစ် သတ်မှတ် လေ့လာထားပါသည်။ ဤစာတမ်းတွင် ထားဝယ်အသံထွက်အတိုင်း မူရင်းတေး၊ အဓိပ္ပာယ်ရှင်းလင်း ချက်များ၊ သီချင်းအကြောင်းအရာ၊ ရေးဖွဲ့တင်ပြမှု၊ ဂုဏ်အလင်္ကာများကြောင့် ပေါ်လွင်ထင်ရှားလာမှု၊ နားဆင်သူအား ရသခံစားရစေမှု စသည်တို့ကို စာပေရှုထောင့်မှ လေ့လာထားပါသည်။