Abstract

• ဤစာတမ်းသည် ၂၀၁၉ ခုနှစ်၊ (၁၉)ကြိမ်မြောက် ဝိဇ္ဇာနှင့်သိပ္ပံပညာရှင်များ သုတေသနစာတမ်း ဖတ်ပွဲအတွက် တင်သွင်းဖတ်ကြားသော စာတမ်းဖြစ်ပါသည်။ ဤစာတမ်းသည် မြန်မာ ကျောက်စာများလာ သာသနာရေးဆိုင်ရာဓလေ့များကို လေ့လာတင်ပြခြင်းလိုဖြစ်ပါသည်။ ဤသို့ လေ့လာရာတွင် ပုဂံခေတ်၊ ပင်းယခေတ်၊ အင်း၀ခေတ်ကျောက်စာများတို့ကို အလေ့လာခံအဖြစ် သတ်မှတ်လေ့လာသွားပါမည်။ ဤသို့လေ့လာရာတွင် အခန်း(၃)ခန်းခွဲ၍ လေ့လာတင်ပြပါမည်။ အခန်း(၁)တွင် ကျောက်စာဝေါဟာရ၊ သဘောသဘာ၀နှင့် သမိုင်းအကျဉ်း၊ အခန်း(၂)တွင် ဗုဒ္ဓသာသနာနှင့်မြန်မာ၊ အခန်း(၃)တွင် မြန်မာကျောက်စာများလာ သာသနာရေးဆိုင်ရာဓလေ့ များဟူ၍ တင်ပြသွားပါမည်။ မြန်မာစာပေ၏ အရင်းအမြစ်ဖြစ်သော မြန်မာကျောက်စာများမှ မြန်မာစာပေ၏ သဘောကိုလည်း သိရှိနားလည်နိုင်ပါသည်။ ဗုဒ္ဓဘာသာသာသနာကိုသက်ဝင် ယုံကြည် တန်ဖိုးထားတတ်ကြသော သာသနာရေးဆိုင်ရာ မြန်မာ့ဓလေ့ကိုလည်း ဤကျောက်စာ တို့မှ ခန့်မှန်းလေ့လာ အကဲခတ်နိုင်ပါမည်။